Touro ao día

FOLK IN RIO - TOURO

2010-06-17T04:05:00.000-07:00

A Asociación Cultural As Sobreiras do Ulla (ACASDU) organiza este domingo o festival FOLK IN RÍO, que terá o seguinte programa:

11:00 : I Open de Billarda
12:00 : Concurso Cantos de Taberna (polos bares de Touro)
14:00 : Final do concurso na Área Recreativa A Santaia
15:00 : Xantar campestre

Dende as 16:00
-Exposición de Artesáns
-Xogos tradicionais
-Espectáculo de maxia con Roi o Cagabolas

Dende as 18:00 FESTIVAL FOLK IN RIO
-Os Malinos de Portugal
-Zurrumalla de Pontevedra
-A requinta da Laxeira de Vedra

TOURO NUNCA SERÁ TORO

2010-03-10T00:00:00.001-08:00

Pois eso mesmo, que na anterior feira de turismo de Madrid, na clausura da mesma, o Excmo. Conselleiro de "Cultura", traduciu o nome de Sobrado dos Monxes por Desván de los Monjes, e o que máis nos preocupa a nós, o de Touro por TORO.
Hai que decirlle a esta xente, que o Concello de Toro, está na provincia de Zamora, mentres que o noso, sempre será TOURO.

Neve en Touro

2010-01-10T11:56:00.000-08:00

Xa había tempo que a neve se esquecía de Touro. Tras estar bastantes anos sen vir, visitounos o ano pasado o día 9 de xaneiro. Parece que as folerpas lles gustou a nosa terra e non quixeron deixar pasar un ano para volver. Así o venres 8 de xaneiro de 2010 levantámonos cós termómetros pólo chan e chan vestido de branco. E non so o venres, senón sábado e tamén hoxe (domingo) está nevando. Mais desta vez a neve viña acompañada de xeo e xeada, o que fixo que o tránsito polas estradas fose mais complicado que o ano pasado. A neve coa que gozaron os máis pequenos poucos afeitos a vela por estes lares foi, en cambio, fonte de preocupación para os seus pais que viron como lles era difícil ou case imposible ir aos seus centros de traballo. Na imaxe vese a aldea de Tarrío (Bama) toda nevada o ano pasado.

Touro elimina barreiras arquitectónicas

2009-12-03T15:04:00.000-08:00

Noticia de Tierras de Santiago:

"El Ayuntamiento de Touro desarrolla una actuación para eliminar las barreras arquitectónicas en los alrededores de su consistorio. Con estas obras se mejorará considerablemente el acceso al inmueble para las personas de movilidad reducida.
Los trabajos, que financia la Diputación da Coruña, cuentan con un presupuesto que ronda los 15.000 euros y un plazo de ejecución de dos meses. El proyecto prevé la creación de dos rampas de acceso, una justo enfrente de la puerta principal del edificio municipal y otra en la parte de atrás, donde se ubica tanto la biblioteca del concello como el aula de informática.
Además, y según indicó el alcalde, el popular Ignacio Codesido, "vaise trasladar a praza de minusválidos xusto enfrente da fachada principal para que poidan acceder coa maior seguridade posible". Asimismo, gracias a esta actuación, se habilitará una rampa que conecte directamente con la acera que da acceso a la escuela de Fonte Díaz. "A intención é que poidan acceder á beirarrúa do colexio público sen ter que pasar pola estrada", explica.
Paralelamente, el Concello de Touro solicitó a la Diputación una subvención para habilitar paneles solares en el consistorio, en el colegio, la piscina y el pabellón municipal con el fin de facilitar el aprovechamiento de la energía solar."

Obradoiro de emprego

2009-11-17T15:31:00.000-08:00

Dentro dunhas semanas dará comezo un obradoiro de emprego no concello no cal poderán participar 25 persoas e 5 mestres. Todos eles deberán estar inscritos na oficina de emprego de Santiago. O traballos que realizarán son os seguintes:

-"A creación dunha nova zona verde integral no entorno da piscina municipal.
-A creación dunha ruta de sendeirismo.
-Realización e recubrimento de naves.
-Solano na fervenza de Salto das Pombas con creación de pasamáns e quitamedos.
-Reformas de xardinería e cantería en zonas verdes urbáns e rurais", entre outras.

Máis info en Tierras de Santiago.

Renovación de dous parques infantís

2009-11-10T14:56:00.000-08:00

"A xunta de goberno local do Concello a finais do mes pasado dou luz verde á adxudicación das obras dos parques infantís da escola de Fonte Díaz e do Martín Códax. A empresa que se encargará de levar a cabo a obra é Estudio y Diseño de Galicia SL (Ediga) e o presuposto dispoñible para desenvolver estes proxectos ascende a un total de 70.176,93 €. Esta actuación é posíbel grazas ao plan de parqeus infantís desenvoltos pola Deputación d'A Coruña e que permite arranxar de áreas de ocio infantís e creación doutras novas."
Información sacada de:
http://www.tierrasdesantiago.com/index_3.php?idMenu=347&idNoticia=485649

Horas ían sendo de que renovasen ese parque, a veces parece que están agardando a que se manque un neno para renovar o material.

Magosto en Fonte Díaz

2009-11-05T15:31:00.000-08:00

Mañá venres 6 de novembro a Asociación Cultural As Sobreiras do Ulla organiza un magosto. Será ás 19.00 horas no campo da festa de Touro. Quen se achegue ata alí poderá degustar castañas, filloas e viño gratis. E para que baixe ben a comida non podía faltar as actuacións de varios grupos folclóricos da zona.

Centro sociocultural para Touro

2009-11-02T12:47:00.000-08:00

Horas eran de que os veciños dispuxen dun local para poder realizar actividades culturais e de outra índole:

"El Ayuntamiento de Touro formalizó el pasado viernes en un pleno extraordinario la adquisición de un local al Arzobispado de Santiago que se habilitará como centro sociocultural. El precio acordado con la Iglesia asciende a un total de 90.000 euros y el bajo está ubicado en el número seis de la rúa Eduardo Blanco Amor, justo al lado del campo da festa de Fonte Díaz, capital municipal. Parte de esta cantidad, concretamente, 50.000 euros, se entregarán directamente al Arzobispado, mientras que los 40.000 restantes se amortizarán "en tres anos" a través de diversas obras que se acometerán en la parroquia de Touro.

La compra fue aprobada por unanimidad de los ediles de la Corporación. Según indicó el alcalde, el popular Ignacio Codesido, el Concello pretende "trasladar o PAI –puidéndose incluso ampliar as prazas existentes–, crear un auditorio e facer algún local social" en los algo menos de 300 metros cuadrados útiles de los que dispone este bajo. Buscarán financiación para los trabajos de remodelación de este espacio."

http://www.tierrasdesantiago.com/index_3.php?idMenu=347&idNoticia=480965

O pleno aproba provisionalmente o PXOM

2009-11-02T12:44:00.000-08:00

"El pleno del Ayuntamiento de Touro aprobó provisionalmente el pasado viernes el Plan Xeral de Ordenación Municipal (PXOM). El documento urbanístico reformado tras el rechazo por parte de la anterior Xunta de Galicia contó con los votos a favor de los ocho ediles del PP y de la concejala del PSOE, y la abstención de los ediles del BNG, quienes destacaron la reducción en la expansión de los núcleos rurales, así como la supresión del gran proyecto de construcción de un campo de golf que permitiría restaurar las antiguas minas de Río Tinto.

El texto urbanístico que ahora se dirigirá a la Consellería de Medio Ambiente, Infraestructuras e Territorio, prevé la construcción de más de 7.000 viviendas en los próximos veinte años, ascendiendo la capacidad residencial a una superficie total de 1.051.508 metros cuadrados. El alcalde, el popular Ignacio Codesido, espera tener una pronta respuesta de la Administración autonómica con respecto al Plan Xeral."

http://www.tierrasdesantiago.com/index_3.php?idMenu=347&idNoticia=480970

Tractor con desbrozadora para o concello

2009-09-10T05:10:00.000-07:00

Segundo conta o xornal Tierras de Santiago, a Deputación da Coruña destinará 100.000 euros á adquisición dun tractor con desbrozadora para o concello, tal e como se recolle no convenio firmado polo alcalde Ignacio Codesido.

A axuda provincial cobre a totalidade do prezo do vehículo cuxa compra realizará de forma directa o Concello, e que esta dotado dun motor de 136 cabalos de potencia e cun circuito hidráulico de centro aberto con doble bomba.

Esperemos que se lle saque partido e se eviten prácticas máis prexudiciais para o medio ambiente , como queimar roleiros utilizando herbicidas, cousa que xa se ten feito.

Noticia sacada de:
http://www.tierrasdesantiago.com/index_3.php?idMenu=321&idNoticia=465166

Dani: In memoriam

2009-09-09T07:34:00.000-07:00

Outra vez máis o domingo levantámonos coa noticia dos mozos que morreron nas estradas galegas esa noite cando voltaba dos lugares de movida para as súas casas.
Outra vez alcol e velocidade.
Outra vez familias destrozadas, amigos,veciños e coñecidos consternados.
Outra vez un tanatorio e un cemiterio énchese de xente nova para dicirlle o último adeus a un amigo, non a un familiar máis vello deste.
Outra vez, outra vez o mesmo.

A novidade é que desta é algúen que todos coñecemos, Dani.
Ou non tan novidade porque hai menos de 6 meses que morreu un mozo de Ferreiros en condicións semellantes cando volvía de Melide.

Cantos máis teñen que morrer para que nos decatemos de que alcol, drogas, velocidade e coche equivale a morte segura? Espero que ninguén máis, pero a experiencia dinos que non será o último.

Daniel, todos gardamos un bo recordo teu. D.E.P.

A gripe A anda preto: casos en Touro e no Pino

2009-08-13T04:07:00.000-07:00

Segundo fontes non oficiais xa hai máis de media ducia de casos de gripe A entre os concellos do Pino e Touro, entre eles algúns nenos. Esa enfermidade que nun principio alarmaba só a poboación mexicana cruzou o charco e instalouse tamén en Europa. Dende aquela un día si e outro tamén os medios de “comunicación” falan de posibles infectados, casos confirmados, persoas hospitalizadas, mortes por gripe A, vacinas, etc. Parece que a gripe A nos persegue e nos acorrala: almorzamos gripe A nun xornal mentres tomamos un café nun bar, vemos o Telexornal do mediodía que nos ofrece gripe A de postre e o mesmo Telexornal tamén nos pon gripe A de cea para desfrutar coa familia. Esa enfermidade que parecía tan distante témola xa á porta da casa, mais é necesaria tanta alarma social sobre o tema? Hai algún interese oculto en que a poboación estea tan asustada?

No conxunto do Estado Español, que ten máis de 40 millóns de habitantes, faleceron unhas 9 persoas por gripe A. Todas elas padecían xa enfermidades crónicas (neumonía, bronquite, asma…). Hai logo tanta razón para alarmarse? Cantas persoas non morren ao ano porque se lles complica unha gripe común ao xuntarse coa vellez ou problemas do aparato respiratorio? É iso noticia todos os días a todas as horas? Non. Que sucede logo coa gripe A?

Vimos e estamos nunha situación de crise económica, polo tanto, ás farmacéuticas interésalles aumentar os beneficios e aos gobernos que a xente deixe de pensar na crise. E abofé que conseguiron ambas as dúas cousas. Non falaba hai uns meses todo o mundo da crise? Non parece que xa está algo esquecida é que se fala máis da gripe A? Por suposto que os gobernos teñen que comprar vacinas, igual que as compran todos os anos para vacinar de gripe común á poboación de máis risco. Agora ben, mentres tanto algúns partidos da oposición, para crear máis alarma e desacreditar ao goberno, piden que se compre un arsenal de vacinas para adminstrarlla ao 100% da poboación. Obviamente, as empresas farmacéuticas frotan as mans e intentan que a Unión Europea lles aprobe o prototipo de vacina canto antes sen que pase todos os controis que debería pasar. Aí está a cuestión de fondo e o porqué da tanta preocupación que nos queren transmitir.

Así que reláxense, vivan tranquilos e se notan os síntomas acudan ao seu médico de cabeceira.

Programa "Concellos saudables" na feira

2009-08-13T04:02:00.000-07:00

Noticia tirada de Tierras de Santiago:

Éxito de la carpa saudable en la feria mensual de Fonte Díaz

TOURO. S.FORMOSO

Vecinos degustando las propuestas saludables presentadas en la carpa
FOTO: FORMOSO

Más de trescientos vecinos pasaron el pasado miércoles por la carpa saudable que se instaló en el mercado mensual de Fonte Díaz. En este stand, los asistentes pudieron degustar diversos tipos de frutas, con una innovadora presentación en forma de brochetas, así como pan y también quesos de Arzúa.

El objetivo de la carpa saudable es "potenciar y fomentar la alimentación sana, y además de productos de la zona", una intención sobradamente cumplida, gracias al gran éxito que tuvo esta iniciativa. Tanto es así, que desde el Concello se está pensando en repetir para la próxima feria del día en septiembre.

Varios de los alimentos que se pudieron degustar en la carpa saudable fueron donados por empresas de la zona. Así, los 32 quesos fueron ofrecidos a la organización por la Cooperativa Arzuana, mientras que los 30 kilos de pan que se utilizaron procedían de las panaderías Andeade, A Peneira y Turces. En cuanto a las frutas, se ofrecieron tanto sandías, como melones, manzanas, peladillos o uvas.

Además, se repartieron diversos folletos informativos entre los asistentes para que conozcan el programa Concellos saudables.

Éxito rotundo da feira do día 5

2009-08-13T03:48:00.000-07:00

Empezou como unha cousa pequerrechiña, case unha anécdota, unha semente que se labrou na terra. Algo que daquela parecía imposíbel, recuperar a feira de Touro, e hoxe é toda unha realidade. O pasado día 5 Touro estaba ateigado de xente e de feirantes, os pulpeiros non daban carrexado racións e os bares estaban cheos. Á xente de todos os meses xuntáronselle outras caras descoñecidas, como familiares eo País Vasco ou Cataluña que veñen pasar a Touro as vacacións.

Ante isto como veciño de Touro que son, non podo facer outra cousa que encher o peito de orgullo.

Cultura e política

2009-07-20T02:43:00.000-07:00

Reproducimos aquí polo seu interese unha Carta ao director envíada ao xornal El Correo Gallego por José Bernárdez:

"Son un veciño de Touro, que estiven no festival Folk In Río que os rapaces do grupo de gaitas organizaron o sábado 27 de xuño. A verdade é que a miña familia mais eu gozamos como hai moitos anos que non o facemos xa que foi unha festa das que obrigatoriamente deberían existir en cada Concello, na que os veciños van comer a unha carballeira e desfrutan das festas tal e como as coñecín sendo un neno, con aqueles xogos tradicionais, artesáns e sobre todo a música galega, é dicir, iso foi a exaltación dunha cultura que non se debería perder en Galicia.

Pero comentando coa xente o ben que estaba todo organizado, ó día seguinte decátome de que uns veciños non acudiron por pensar que esa festa era organizada por un partido político non afín ó alcalde, polo que este se negou a axudar na celebración desta festa tan bonita, e non contento con isto, limitábase a dicir que a festa era dun partido político e que detrás da organización estaban esas siglas partidarias. Dende o meu punto de vista é moi triste pensar que naquela festa o único que houbo foi moita diversión e unha tarde estupenda cos veciños, e polo que eu vin, alí non se me despreciou como votante do PP (non sei se o sabían), pero creo que o señor alcalde e os veciños que como el pensaban están moi equivocados co fin da festa do sábado. Agora o que teño eu é unha dúbida: ¿non será que no Concello, que presume todos os anos de non dar gastado os cartos dos que dispón e rematar os exercicios con superávit, non lle gusta que se organice algo sen eles manexar os fíos?, ¿ou por que a persoa que debería organizar estas festas só se dedica a pasar unhas poucas horas no concello e a cobrar por facer un programa de actividades en horario escolar? A min que me expliquen estas cousas e, por favor, señor alcalde de Touro, non mestura a cultura coa política, que nesta vida hai cousas máis importantes que manter o posto dos que levades 20 anos gobernando.

Como veciño vou comprobar se estes datos son correctos, pero creo que acabas de perder os votos dunha familia de Touro. ¡¡ Unha pena mesturar o touciño coa velocidade!!"

Para velo na web do xornal faga click aquí

Tome nota señor alcalde! e Parabéns aos mozos de Sobreiras do Ulla (ASOCIACIÓN CULTURAL)

FOLK IN RIO

2009-06-25T06:35:00.000-07:00

O sábado 27 de xuño haberá unha gran foliada

na Area Recreativa da Santaia (Touro):

14.00 Concerto da Banda Municipal Isabel II de Touro

14.30 Xantar campestre (polbo e churrasco)

Contaremos cunha exposición de artesanía, na que se demostrará como se fan traballos de alfareiría, coiro, instrumentos musicais, etc.

Haberá xogos populares e tradicionais (chave, zancos, trompo, billarda, etc. ) e competición de carreiras de sacos e de zancos.

18.30 FOLK IN RIO

O Rancho da escola de Río Tinto (Oporto-Portugal)

A Esmorga de Beseño (Touro)

ACASDÚ (Touro)

Reviravolta (Lardeiros-O Pino)

A Requinta de Xián (Lestedo-Boqueixón)

21.30 Sardiñada gratis para todos os asistentes

Organiza Asociación Cultural “As sobreiras do Ulla”

Onde meten os nosos cartos?

2009-06-22T17:47:00.000-07:00

770.400 €, uns 130 millóns de pesetas, esa é a cantidade que o Goberno do Estado lle concedeu ao concello de Touro para "promover a realización de obra pública e inversións que xeneren emprego por parte do concello, coa finalidade de reactivar a economía".

Aquí teñen a descrición dos proxectos que presentou o concello. Asfalto, asfalto e máis asfalto? Son realmente necesarias esas obras? Non hai outras que teñen máis prioridade? Os que piden estas subvencións deben estar faltos de ideas, deben ter pouca imaxinacion. Por iso dende aquí invitámosvos a que lle mandedes e-mails aos responsábeis municipais dándolles ideas de outras actuacións máis urxentes, como a creacion dunha Casa da Cultura, por exemplo. Que desenvolvan o programa electoral que para iso o crearon algún día e que deixen de gastar os nosos cartos en camiños moitas veces xa asfalatados.

Buzón de suxerencias concello de Touro: http://www.concellodetouro.com/buzon/

Aquí van os datos do Fondo de Inversión Local no noso concello tirados de https://ssweb.map.es/infofondolocal/info_ciudadanos/listado_detalles_ciudadanos.php

Detalles para el Municipio de: Touro

Importe Máx. según RDL 9/08:	770.430,00 €
Núm. de Proyectos Aprobados:	9

Fecha aprobación	Importe	Proyecto
12/02/09	80.776,51 €	CAMINO BAIOBRE (BESEÑO) Y OTRO
12/02/09	98.587,08 €	Camino Fao - Novefontes
12/02/09	77.220,45 €	CAMINO IGLESIA PREVEDIÑOS
13/02/09	93.011,25 €	CAMINO DE AS QUINTÁS A REMESQUIDE Y OTRO
13/02/09	96.444,40 €	CAMINO LAÑA DE ARRIBA - LÍMITE CON EL PINO (QUIÓN) Y OTROS
13/02/09	79.485,51 €	CAMINO IGLESIA DE BAMA A CRUCEIRO (BAMA) Y OTRO
13/02/09	90.720,43 €	PAVIMENTACIÓN CAMINO EN VILAR Y OTROS
13/02/09	65.386,66 €	CAMINO OBRA A BENDAÑA Y OTROS
13/02/09	88.797,71 €	CAMINO IGLESIA DE SANTISO - CARRETERA PENETRACIÓN Y OTRO

Haberá que reenviar o PXOM a Medio Ambiente

2009-06-16T16:19:00.000-07:00

Así rezaba un titular desta semana. Para acceder á nova Fagan click:

O concello terá que reenviar de novo o plan xeral a Medio Ambiente

Dende Infotouro apoiamos a tractorada

2009-06-16T16:11:00.000-07:00

O noso sectora lácteo estaas pasando putas, así de vulgar e así de sinxelo. O noso sector lácteo está agonizando, e é por iso que dende Infotouro apoiamos a tractorada convocada polo Sindicato Labrego Galego. E apoiámola do xeito que nós podemos de xeito virtual.

Noticias sobre Touro en "Tierras"

2009-06-11T15:25:00.000-07:00

Contactos coa Xunta para aprobar o PXOM de Touro

Dolores Martíneza fálanos acerca da enfermidade que padece, o lupus.

ELECCIÓNS EUROPEAS

2009-06-11T15:17:00.000-07:00

Que dicir das eleccions europeas? Que Touro non foi unha excepción e comportouse electoralmene coma o resto dos concellos da comarca. Maioría do PP, seguido polo PSOE e BNG. Mostramos aquí un gráfico tirado da páxina do BNG de Touro (www.bngtouro.blogaliza.org) no que se reflexa os votos que obtivo cada partido no noso concello.

Mais o domingo non foi so día de votacións. No colexio de Touro reuníanse centos de rapaces, país, profesores e algún que outro exalumno con morriña do colexio que nos viu medrar, para celebrar o festival de fin de curso.

Campo de golf en Touro?

2009-06-02T16:54:00.000-07:00

A semana pasada aparecía a seguinte noticia no xornal El Correo Gallego.
Virá para as minas o campo de golf como tanto lle interesará a Paco Gómez?

Fagan click no seguinte título para ir á noticia en El Correo Gallego:

El Aero Club diseña ya su nuevo campo en una parcela de O Pino

Fagan click aquí para ir á noticia en Tierras de Santiago:

El Aero Club apuesta por construir su futuro campo de golf entre O Pino y Touro

TOURO: CANTEIRA DE ACTRICES

2009-05-14T06:44:00.000-07:00

Comezaron con gañas, e deron con quen soubo aproveitar o seu potencial, falo do grupo de teatro de Touro. Vinas o ano pasado nunha primeira actuación nos locais que están ao lado do campo da festa de Fonte Díaz. Víase ilusión, ganas de traballar, e bastante xente. E a xente non quedou defraudada, eu quedei encantado, desfrutei coma o que máis. Fixeronme pasar da risa e carallada, á emoción e case ás bágoas nalgún momento. Actualidade cos problemas da mocidade, implicación social e unha clara defensa do galego, idioma noso, idioma dos galegos. E dende aquela colleitaron éxito tras éxito nos teatros máis importantes do país. E agora non fai moito, un premio a artistas tan boas: viaxe a Granada, pasando por Salamanca, Toledo ou Madrid, entre outros. E por suposto, non puido faltar o que @s une: o teatro, e aló actuaron nas terras andaluzas. Ánimo moz@s, non o deixedes. Touro e a súa mocidade vive en vós, levádea ben lonxe. Aquí unha foto da viaxe e avisarlles: MOI AXIÑA ESTARÁN NO LOLA-LOLITA EN ARCA, así para os que non tivestes a oportunidade de vela, aproveitade que están pretiño da casa.

Ver noticia no Terras de Santiago en:
http://tierrasdesantiago.es/index_3.php?idMenu=347&idNoticia=425745

Deportes: Fútbol

2009-05-04T11:30:00.000-07:00

Pois despois de tanta festa chegaba a hora da verdade: ese partido tan esperado e despois de dous aprazamentos previos, o tan ansiado derbi entre a S.D.Touro-O Pino. Finalmente o dia celebrado non pudo ser peor escollido pola federación, pero xa se sabe que nestes casos sempre ocurre o mesmo. Asi chegamos o venres día 1 de Maio, as 11 da mañan estaban citados os xogadores de ambos equipos no campo de Loxo. Como estaba previsto a puntualidade despois dun día de festa foi a agardada xa que bastantes xogadores chegaron con retraso. Pero de todos modos as 12 h. comezou o partido e con unha alta intensidade, característica destes derbis. Primeiramente empezou golpeando o equipo local con mais gañas e que disfrutou de varias ocasións nos pes de Cesar en algunha galopada, Samuel en balóns colgados e os tiros lonxanos de Andrés. Pola sua parte O Pino reacionaba ante o acoso local pero moi timidamente. O equipo local estaba moito máis metido no partido e con mais gañas, e eso palpouse xa mediada a primeira metade cando nunha xogada que comeza Cesar o borde da area, pasa cara Samuel e este acomodando pa perna dereita marca por baixo sen darlle opcións o porteiro visitante. Este golpe ainda lle subeu mais a moral o equipo local que continuou intentando e fixo que o entrenador visitante reaccionara introduccindo no campo a Fran, delantero do Pino, que foi o que creou algunha que outra xogada de perigo antes do remate da primeira metade.

Xa na segunda parte máis do mesmo, dominio local con certas ocasións claras de perigo e co equipo visitante tentando a balón parado. Pero o empate non chegaba, e a falta de cinco minutos para o final do partido, falta que saca O Pino e balón que despexa a defensa local, a seguinte xogada, Cesar proba sorte desde a frontal da area e con un disparo tremendo bate por segunda vez o gardameta visitante. Deste modo chegouse o final do partido con unha merecida victoria da S.D.Touro que puxo maior impetú durante todo o partido.

Resultado: S.D. Touro 2 - O Pino 0 .

Tamén na xornada do sábado o equipo de Touro volveu xogar o partido de liga correspondente a penúltima xornada de liga. Novamente disputado en Loxo o equipo continuou a sua fenomenal racha diante dun equipo punteiro como o Belvís de Santiago. O partido resolveuse co resultado final de Touro 4 - Belvís 4.

Así o equipo a falta dun partido para acabar a liga, arranxou de algún modo o desastre inicial e acaba a liga coa cabeza alta. O único pero posible que lles queda e que se houbera un maior compromiso por parte de todos poderían haber estado loitando nos postos de cabeza.

A clasificación a falta dunha xornada queda deste modo:

Equipos;

1. Silleda
2. San Pedro
3. Villestro
4. Tordoia
5. Belvís
6. San Miguel
7. La Salle
8. O Pino
9. Trazo
10. Cogalrodeiro
11. Touro
12. Amio
13. Portomouro
14. Café Carrilana
15. San Marcos B
16. O Xa Chegou

Seguiremos informando dos deportes de verán no concello de touro xa que as ligas intermunicipais estan chegando o seu remate casi todas. Un saúdo.

Partidazo á vista

2009-04-30T09:44:00.000-07:00

Para os que aguanten a resaca da festa da xuventude de Boqueixón o "Día da clase obreira", 1 de maio, pola mañá haberá prato forte: partido de fútbol Touro-O Pino ou O Pino-Touro, non sei...

A ver se conseguimos que o home dos deportes nos faga unha recensión de tan interesante competición.

SORTE!

Os bares de Touro cos labregos

2009-04-28T14:37:00.001-07:00

Non fai falla lembrar a importancia que o sector primario ten no concello de Touro, pois unha porcentaxe significativa de veciños viven da produción de leite, carne, etc.

O xoves 16 de abril miles de gandeiros galegos manifestábanse en Madrid para demandar a posta en marcha dun plan urxente para o mantemento das explotacións leiteiras. Os restaurantes e bares de Touro non quixeron ser menos e fixeron un peche simbólico pola tarde como símbolo de adhesión e fraternidade cos gandeiros.

Aquí foto tirada da páxina do Sindicato Labrego Galego www.sindicatolabrego.com da manifestación en Madrid.

FOTOS GAÑADORAS

2009-04-28T14:12:00.000-07:00

Fotografía gañadora da categoría de personaxes: José López Pérez (A avoa das Goritas)

Fotografía gañadora da categoría de natureza: Manuel Amador

Fotografía gañadora da categoría de patrimonio: José López Pérez (Pazo de Andeade, solaina)

Morre debaixo do tractor

2009-04-24T03:06:00.000-07:00

Morre debaixo do tractor

Un veciño de Touro de 89 anos precipitouse co vehículo por un
terraplén de cinco metros de altura e despois quedou atrapado

Un home de 89 anos faleceu onte pola tarde ao quedar atrapado baixo o seu tractor depois de que este envorcara no municipio coruñés de Touro. O suceso ocorreu no lugar de Sobredo, na parroquia de Foxás, pouco antes das 18.00 horas. Foi nese momento cando o servizo de urxencias recibiu a chamada do 061 e mobilizou o helicóptero do 112 con base en Santiago. Con todo, non tivo que trasladar a vítima, porque ao chegar ao lugar o médico confirmou a súa morte. O corpo da vítima permaneceu unhas horas no lugar á espera de que as forzas xudiciais procedesen ao levantamento do cadáver. A vítima é Manuel Cabo Vilas, que conducía o tractor con remolque e sen o arco de seguridade por unha pista cando caeu por un terraplén.

Dende aquí o noso máis sentido pésame á familia e amigos do finado.

Información textual de "De luns a venres" http://lv.galiciae.com/pdf_files/24042009compendio_4.pdf

TES+BUS

2009-04-16T16:57:00.000-07:00

TES+BUS

1.- ¿QUE É O TES+BUS?

O TES+BUS é un proxecto co obxectivo da promoción do transporte público colectivo en zonas de carácter rural.

A actuación TES+BUS consiste na utilización mixta dos servizos de transporte escolar público, de tal xeito que calquera cidadán das zonas onde se implanta poderá utilizar para os seus desprazamentos as rutas destes servizos.

O obxectivo do TES+BUS é facilitar os desprazamentos da poboación de zonas con escasos servizos de transporte público de xeito que, aproveitando o percorrido dos autobuses escolares, os habitantes dos lugares polos que estes discorren poidan acceder ás cabeceiras dos concellos onde, xunto cos centros escolares, normalmente se atopan os servizos básicos tanto administrativos, como sanitarios, bancarios, etc.

Foi precisamente o feito da escaseza de servizos de transporte público concesional xunto coa baixa densidade da poboación, un dos criterios seguidos para a elección das zonas nas que se implantará este servizo, aos que se engadiron outros criterios como a existencia nas rutas de transporte escolar de prazas libres e da figura da persoa acompañante e adulta que vela pola orde no interior do autobús.

2.- ¿EN QUE DATAS FUNCIONARÁ O TES+BUS?

O funcionamento do TES+BUS coincidirá cos días e horarios nos que se realice o transporte escolar en cada un dos cursos escolares.

3.- ¿CAL É O PREZO DO TES+BUS?

Os cidadáns que utilicen os servizos do TES+BUS aboarán 1 Euro por cada viaxe que realicen.

4.- ¿QUE NORMAS SE APLICAN NO TES+BUS?

No TES+BUS implantaranse unhas normas que rexerán na utilización conxunta dos servizos de transporte escolar, e que, en todo caso, primarán a súa utilización polos escolares.

- Viaxará unha persoa acompañante e adulta, que será a que regule a orde no autobús.

- Os usuarios poderán subir en calquera das paradas da ruta escolar

- Os usuarios poderán baixar en calquera das paradas da ruta escolar ou ao chegar ao centro educativo

- Non se poderá subir con vultos que, a xuízo da persoa acompañante, poidan entorpecer o paso.

5.- OUTRAS CONSIDERACIÓNS:

Parabens á Consellería de Política Territorial, Obras Públicas e Transportes e á de Educación e O.U., foi unha das poucas cousas que fixeron (ben).
Parabens a María del Carmen Paz Quinteiro, concelleira do PSdG no concello e a primeira que fixo a proposta.
Parabens ao goberno do concello por levar esta iniciativa a cabo.

Agora só queda sacarlle o máximo partido do único xeito que se pode facer, UTILIZÁNDOA.

Así que, se o precisas ADIANTE!

Quen queira baixar as rutas que faga click AQUÍ

Máis imaxes da entrega de premios e diplomas

2009-04-16T16:35:00.000-07:00

Gañadores do concurso de fotografía

Gañadores do concurso de poesía

Diplomas, premios fotografía poesía

2009-04-13T15:12:00.000-07:00

ENTREGA DE PREMIOS (FOTOGRAFÍA E POESÍA) E DIPLOMAS

Venres 3 de abril, dúas da tarde, calor abafante. Unha morea de mulleres agardaban no salón de plenos a contos, e os participantes dos anteditos concursos gozaban dunha amena conversa na parte alta da casa do concello. Grazas por ese acto que serviu alomenos para poñer en contacto a xente creativa e con ganas de facer cousas.

Tiña lugar o pasado venres a entrega dos diplomas ás mulleres que fixeron un curso de atención a dependentes (unhas trinta) e a entrega dos premios de fotografía e de poesía. Cabe destacar a alta calidade de moitas imaxes presentadas (en breve mostraremos en Touro ao día as fotos gañadoras) e en poesía a escasa participación.
Facemos dende aquí un chamamento á participación neste tipo de concursos, que a xente se anime que seguro que ten algunha fotografía preciosa que presentar, ou seguro que escribiu algunha vez algún conto ou algún poema. Pois ánimo, comparte ese parte de ti con todos nós!

Do acto de entrega de premios tamén se pode comentar algunha cousa negativa, como a tardanza e impuntualidade do alcalde, así como a súa pouca interese, atención e coñecemento que demostrou ter dos concursos e demais actos culturais que organiza o Concello. Non ía ser todo rosas!

Constitución da UXFOR Couto de San Sebastián

2009-03-17T08:52:00.000-07:00

Que é unha UXFOR, preguntaredesvos. As UXFOR, Unidade de Xestión Forestal, son unha asociación de propieatarios de monte que deciden unificar a xestión das súas terras. Con isto conséguese rentabilizar a actividade, previr incendios e ordenar a superficoie de acordo tamén a criterios ambientais.

Esta en concreto, que foi visitada estes días polo director xeral de Montes e Industrias Forestais, Alberte Blanco Casal, está formada por 82 propietarios e suma unha superficie de 160 hectáreas.

Esperemos que con iniciativas coma esta se poña en valor un sector con tanto potencial coma o forestal que está ao mesmo tempo tan abandonado debido ao minifundismo galego.

Máis información:

Consellería do Medio Rural

Tierras de Santiago

Ola amigos e amigas de Touro

2009-03-14T11:20:00.000-07:00

Ola veciños!

Acaba de nacer este blogue co obxectivo de dar a coñecer os acontecementos e actividades (aínda que sexan poucas) do noso concello. Ese blogue non será so iso, será o punto de partida de ideas e reivindicacións porque ao noso concello quédalle moito que cambiar e moito que avanzar.

Infotouro non pretende ser un simple portal de novas de Touro, senón que pedimos a vosa participación para que Infotouro sexa un medio interactivo. Pedimosvos que colaboredes subindo novas, fotos, etc para que todas e todos esteamos informados de canto pasa no noso concello.

Con isto tamén pretendemos que Touro aparte de existir no mundo físico exista tamén na rede de redes e teña o seu oco en Internet onde cada un ten a súa propia opinión non centralizada pola postura dos medios, tan posicionados na actualidade.

Cultura, deportes, política, entrevistas, reportaxes, denuncia, todo ten cabida neste blogue.

en INFOTOURO hai sitio para TODOS (ou case todos).